Zindagi ki is kashmkash me mere kadam mujhe kaha le aaye,
Jo khud ko kehte hai apna, asal me wahi hain paraaye.
Saath chalenge sab keh gae, chala har koi kuch der us raah par,
Par jaha kadam dagmagae mere, wahi chod aaye gira zameen par.
Par main haar na maanuga, chahe ye jism jal jae,
Fir se chalunga apne mukaam ko, shaayad beech safar koi hamsafar mil jaaye.
Thokar khane ki aadat na thi, isliye shaayad pal me gir gaya,
Aur wo hume samajh hi na paaya, na use kisine samjhaaya.
Ki uth khada hoga wo, uske baazuo me jaan hai,
Aur jung jeet ke dikhaega wo, kyunki uske saath uska emaan hai.
No comments:
Post a Comment